منتدى مصرى سات ياسف للجميع لقد فقدنا المنتدى وجميع الاعضاء بسبب امر خارج عن الاراده ونرجو الجميع التسجيل من جديد
للتسجيل اضغط هنا

zoro1

مستشار المنتدى بالقسم الاسلامى
طاقم الإدارة
مستشار مصرى سات


ماهو الدايزك
❗
❗

اغلبنا ينطق الكلمة دى بكل تلقائية بدون حتى ما نفهم هى اختصار لإيه ومعناها ايه وتاريخها ايه
.
ايوه القطعه الصغيرة اللى ب20ج دى ليها تاريخ عظيم فعلا
🙂

مبدئيا مصطلح
⛔
diseqc
مش كلمة واحدة مستقلة ليها معنى واضح
نهائياو absolutely
هى مجرد اختصار لما يلى:-
Digital Satellite Equipment Control
ومعناها ببساطه
(( اداة التحكم فى الاقمار الصناعية الرقمية ))
مش مجرد كلمة دايزك وخلاص ومحدش عارف يعنى ايه اساسا دايزك
😃

ايه طيب حكاية الدايزك ده ؟
❗
❗

الاداه دى تم تطويرها من شركة يوتلسات المتخصصه فى الاقمار الصناعية واللى فى اقمار كتير جدا باسمها
ليه بقى شركة يوتلسات عملت كده؟
❗

لانه ببساطه فى شركه تانيه عملاقه من دولة لكسمبورج
ايوه لكسمبورج بتاعة الانفرتو
😃

الشركه دى اسمها :-
⛔
SES S.A
ودى شركة عملاقه جدا فى مجال الاقمار الصناعية والبث الفضائى
وهى المالكة لأقمار أسترا وأشهرهم قمر أسترا 19.2
وبالمناسبة أقمار أسترا مجموعة أقمار كبيرة تملكها شركة SES S.A
نرجع للموضوع بتاعنا...
شركة يوتلسات تمتلك القمر الأشهر والأهم و الفتى المدلل لها هوتبيرد 13 شرق
الشركة لاحظت ان أغلب المشاهدين فى اوروبا بيفضلوا قمر أسترا 19.2 المملوك للشركه المنافسه SES S.A
وقليل اوى المهتم بقمر هوتبيرد الخاص بيها وده طبعا بيمثل لها خسارة كبيره
ولأن الحاجة ام الاختراع
🏆

لجأت شركة يوتلسات الى تطوير اداة دورها انها تمكن المشاهد من التنقل بين قمرين بسرعه جدا بدون الحاجه الى تحريك الطبق والتخلي عن قمر من الاتنين
الاداه دى معروفه حاليا لينا باسم دايزك
واللى اصبح أداه اساسيه جدا من أداوت الإستقبال الفضائى ولا غنى عنها إطلاقا
تحيه كبيره لشركة يوتلسات على التفكير العبقرى ده
👌

الدايزك دوره بإختصار شديد الجمع بين اكثر من قمر ( لاقط) على رسيفر واحد
ولان الرسيفر يقدر يتعامل مع lnb واحده فقط فى نفس الوقت فكان دور الدايزك انه يجمع للرسيفر اكتر من lnb فى سلك واحد والمستخدم يقدر ينقل بينهم فى ثوانى
اشهر الدايزكات حاليا 4 مخرج و8 مخرج
طبعا فى اكتر من موديل من الدايزك
فمثلا دايزك 1.0
ده يقدر فقط يشغل 4 اقمار بس
دايزك 1.1
يقدر يشغل 16 قمر
دايزك 1.2
يقدر يشغل 16 قمر ويقدر يحرك موتور دايزك ايضا
وبعد كده 2.0 و 2.1 و 2.2 و3.0 اللى انا مش فاهم وظيفتهم حتى الان لسه
😀

اشهر الانواع فى مصر على سبيل الذكر وليس الحصر
ستارتراك و televes فى 8 مخرج وترومان فى 4 مخرج
اتمنى تكون وصلت القصة العميقة وراء الدايزك البسيط جدا
 

ابومازن

مدير مصرى سات
طاقم الإدارة
مدير مصرى سات

جزاك الله خيرا
 

مواضيع مماثلة

أعلى